Të paktën 1,760 palestinezë janë vrarë që nga fundi i majit në Rripin e Gazës, shumica nga zjarri i ushtrisë izraelite, ndërsa kërkonin ndihmë humanitare, njofton zyra e OKB-së për të drejtat e njeriut në territorin palestinez.
Midis 27 majit dhe 13 gushtit, OKB-ja regjistroi 994 viktima pranë vendeve të Fondacionit Humanitar në Gaza dhe 766 përgjatë rrugëve t0δ furnizimit me ushqime. Agjencia thekson se shumica e vrasjeve u kryen nga ushtria izraelite, raporton Le Monde.
Ky numër shënon një rritje prej disa qindra viktimash krahasuar me raportin e fundit më 1 gusht, kur OKB-ja kishte regjistruar 1,373 palestinezë të vrarë në të njëjtat rrethana.
Që nga fillimi i gushtit, zyra e OKB-së ka regjistruar 11 incidente sulmesh ndaj palestinezëve që ruajnë konvojet në Gazën veriore dhe qendrore.
Në sulmet më të fundit më 13 gusht, sulmet ajrore izraelite në As-Saftawi dhe Al-Karameh vranë të paktën 12 palestinezë dhe plagosën 18 të tjerë. Pak orë më vonë, një sulm tjetër në At-Twam vrau gjashtë persona.
Sipas OKB-së, këto sulme janë pjesë e një modeli të përsëritur, që sugjeron shënjestrim të qëllimshëm të civilëve të përfshirë në sigurimin e ndihmës humanitare.
