Presidentja Vjosa Osmani njoftoi se në Kopenhagë, Kosova iu bashkua Francës, Italisë dhe partnerëve të tjerë evropianë në themelimin e Koalicionit Evropian Kundër Drogës (ECAD), shkruan Gazeta Enigma.
Përmes kësaj nisme, Osmani thotë se “do të sigurohet koordinim më i gjerë evropian në luftën kundër trafikimit dhe abuzimit me drogë”.
“Kosova është e gatshme të japë kontributin e saj dhe ashtu siç kemi bërë deri më tani, të luftojmë këto dukuri në mënyrë efektive. Do të punojmë ngushtë me partnerët tanë, në mënyrë që Evropa të mbetet e sigurt, e bashkuar dhe e vendosur përballë kësaj sfide”, shtoi Osmani. / Gazeta Enigma.
