Edhe një aktivist tjetër i Lëvizjes Vetëvendosje në Podujevë e ka braktisur këtë parti, për të iu bashkuar Lidhjes Demokratike të Kosovës.
Andi Hyseni të shtunën ka dhënë dorëheqjen nga të gjitha funksionet e degës së LVV-së në Podujevë.
Ai thotë që është i zhgënjyer me korrupsionin e mungesën e meritokracisë në Vetëvendosje.
“Hyra në Lëvizjen Vetëvendosje si një i ri me shpresën që kjo Lëvizje do të na përkrah ashtu si edhe na është premtuar dhe që ne punuam me mund të madh që të arrinim fitore. Por për fat të keq u zhgënjeva në masë të madhe . Mendova që do ketë meritokraci të premtuar e korrupsioni nuk do të ketë vend në këtë Lëvizje por ishte e kundërta”, shkroi ai.
