Presidenti ukrainas, Volodymyr Zelensky, priti sot në Kiev ministrin e Industrisë, Biznesit dhe Çështjeve Financiare të Danimarkës, Morten Bødskov, për të diskutuar forcimin e bashkëpunimit në mbrojtje, rindërtimin e Ukrainës dhe projekte të përbashkëta industriale, ndërkohë që vendi përballet me sfidat e luftës së vazhdueshme me Rusinë.
Takimi vjen si vazhdimësi e mbështetjes së fortë të Danimarkës për Ukrainën që nga fillimi i pushtimit rus në shkurt 2022.
Gjatë takimit, Zelensky pranoi letrat kredenciale të ambasadorit të ri danez, Thomas Lund-Sørensen, duke e uruar për fillimin e mandatit të tij.
Në një postim në Telegram, presidenti ukrainas shprehu mirënjohjen për Danimarkën:
“Jam thellësisht mirënjohës ndaj kryeministres Mette Frederiksen, qeverisë dhe gjithë popullit danez për mbështetjen e palëkundur që nga ditët e para të pushtimit në shkallë të gjerë.”
Pikat kryesore të takimit kanë qenë bashkëpunimi në mbrojtje, ku Zelensky vlerësoi modelin danez të bashkëpunimit, i cili ka ndihmuar në rritjen e prodhimit të dronëve dhe raketave ukrainase.
Danimarka ka qenë një ndër donatorët kryesorë të ndihmës ushtarake për Ukrainën, me një kontribut prej mbi 8.5 miliardë euro që nga 2022, përfshirë sisteme artilerie dhe pajisje të avancuara.
