Një 77-vjeçar ka humbur jetën sot në Bresje të Fushë-Kosovës, pasi dyshohet të ketë rënë nga hapësira ku po ndërtohet një ashensor në një objekt në ndërtim.
Policia e Kosovës ka iniciuar hetim mbi vdekje, ndërsa njësitet kompetente po punojnë për të zbardhur rrethanat e ngjarjes, në koordinim me prokurorinë.
Kështu ka konfirmuar, zëdhënësja e Policisë për rajonin e Prishtinës, Flora Ahmeti, për Gazetën Enigma.