Kandidatja për deputete nga radhët e Lidhjes Demokratike të Kosovës, Doarsa Kica-Xhelili, në një deklaratë për media ka kritikuar ashpër qeverisjen e Albin Kurtit, raporton Gazeta “Enigma”.
Ndër të tjera Kica-Xhelili foli edhe për temat aktuale politike në vend. Ajo tregoi po ashtu se a mund të ketë një koalicion mes Lidhjes Demokratike dhe LVV-së për qeveri.
“LDK-ja nuk ka me lënë vendin pa qeveri, LDK përveç që po garon për të udhëhequr me qeverinë, LDK-ja ka vendosur që me çdo kusht me qenë pjesë e qeverisë, në kuptimin që janë disa procese që duhet me u përmbyllë”, deklaroi ajo në “DPT te Fidani”.
“Në raport me Lëvizjen Vetëvendosje, e kemi sqaruar disa herë që e kemi një hendek shumë të madh. Dhe kur po na pyesin se çka i bjen ky hendek dhe jemi munduar t’ua zbërthejmë këtë hendek njerëzve. Okay, nuk është vetëm çështja tek gjuha, por janë disa çështje shtetare që duhet me i vendos si pika”, theksoi ajo.
Po ashtu ajo sqaroi se cilat janë prioritetet e Lidhjes Demokratike të Kosovës në qeverisjen e saj.
