Presidentët e Kolumbisë dhe Kubës kanë shprehur shqetësim dhe dënim për situatën që po ndodh në të gjithë Venezuelën.
“Qeveria kolumbiane hedh poshtë çdo veprim ushtarak të njëanshëm që mund të përkeqësojë situatën ose të vërë në rrezik popullsinë civile”, shkroi Presidenti Gustavo Petro në X.
Ai shtoi se vendi i tij po monitoron situatën në Venezuelën fqinje me “shqetësim të thellë” dhe u bëri thirrje të gjitha palëve të përfshira të përmbahen nga veprimet përshkallëzuese, pa përmendur SHBA-në.
Presidenti kuban Miguel Díaz-Canel kritikoi atë që e quajti një sulm “kriminal” nga SHBA-të ndaj Venezuelës në një postim në X.
“Kuba denoncon dhe kërkon urgjentisht reagimin e bashkësisë ndërkombëtare kundër sulmit kriminal nga SHBA-të ndaj Venezuelës. Zona jonë e paqes po sulmohet brutalisht”, shkroi ai.
SHBA-të po kryejnë sulme ajrore ndaj Venezuelës, ka njoftuar një zyrtar amerikan për agjencinë e lajmeve Reuters.
Zyrtari, i cili foli në kushte anonimiteti, nuk dha detaje të mëtejshme.
As Shtëpia e Bardhë dhe as Pentagoni ende nuk kanë komentuar mbi raportet.
