Sport Club Gjilani ka zyrtarizuar afrimin e mesfushorit Hamdi Namani, i cili do të jetë pjesë e skuadrës në formë huazimi nga FC Prishtina për gjashtë muajt e ardhshëm, me të drejtë të plotë aktivizimi.
31-vjeçari vjen si një përforcim i rëndësishëm për “kuqebardhët” në prag të pjesës së dytë të sezonit kampional, duke shtuar përvojë dhe cilësi në repartin e mesfushës.
Namani ishte pjesë e skuadrës kryeqytetase gjatë gjysmës së parë të kampionatit, ku dha kontributin e tij, përpara se të merrte dritën e gjelbër për transferimin e përkohshëm te Gjilani.
SC Gjilani i ka uruar mirëseardhje mesfushorit, duke shprehur besimin se kontributi i tij do të jetë i rëndësishëm në arritjen e objektivave të klubit në vazhdim të sezonit.
Komunikata zyrtare:
Mesfushori do të jetë pjesë e kuqebardhëve për gjashtë muajt e ardhshëm, me të drejtë të plotë aktivizimi.
Sport Club Gjilani dhe FC Prishtina kanë arritur marrëveshje për huazimin e Hamdi Namanit. Mesfushori 31 vjeçar vjen nga klubi kryeqytetas si një vlerë e shtuar për ekipin në pjesën e dytë kampionale.
Namani më parë ka qenë pjesë e disa skuadrave në vend, ndërkohë që në pjesën e parë të kampionatit ka dhënë kontribut për kryeqytetasit nga edhe mori dritën ‘jeshile’ për të t’u huazuar te ‘kuqebardhët’.
SC Gjilani i uron mirëseardhje Hamdi Namanit dhe shpreh besimin se kontributi i tij do të jetë i rëndësishëm për skuadrën në vazhdim të sezonit.
