Gazetarja tash e tre vite e RTK-së, Edina Avdiu, ka njoftuar se RTK-ja nuk ia ka vazhduar kontratën e punës, ani pse sipas saj, menaxhmenti i dinte se ishte në muajin e pestë të shtatzënisë.
Avdiu pretendon se largimi i saj u bë nga u.d kryeredaktori Blerim Haxhiaj, “i cili edhe muaj me pare nisi procedura disiplinore ndaj meje te cilat ju kthyen mbrapshte”.
Arsye për largimin e saj, gazetarja Avdiu thotë se është kur pyeti kryeministrin Albin Kurti se kur do të ekzekutohen pagat për punëtorët e RTK-së, kur në atë kohë vonoheshin.
Ndërkohë, po ashtu kujtoi një rast ku sipas saj, ishte udhëruar që ta lexonte një kronikë për emërimin e Dimal Bashës si kryeparlamentar, por se refuzoi ta lexonte, pasi nuk dihej autori dhe ishte “me propagandë”.
Ndërkohë, tani ajo po ashtu ka publikuar një letër, për të cilën thotë se ishte teksti që u urdhërua ta lexonte.
