Edhe AAK-ja thotë se buxheti i vitit 2026 nuk i reflekton premtimet e kryeministrit Kurti dhe kabinetit të tij, shkruan Gazeta Enigma.
Kështu tha shefi i Grupit Parlamentar të Aleanca për Ardhmërinë e Kosovës, Besnik Tahirii.
Ai në seancën e Kuvendit, duke kritikuar buxhetin, tha se i njëjti ka mangësi edhe në investime kapitale, ku 81 për qind e tyre janë projekte të viteve të kaluara.
“Po flasim për një buxhet që nuk reflekton asgjë nga çka është premtuar këtu nga kryeministri në ekspozenë e tij. Çështja e dytë politike ndërlidhet me investimet kapitale. Nëse e shihni me kujdes buxhetin, jemi duke folur për 81 për qind të investimeve kapitale që janë projekte që vazhdojnë, jo që ka iniciativa të reja”, tha ai. / Gazeta Enigma.
