Është shënuar një tentativë për sulm me dron ndaj një rafinerie të madhe të naftës në Arabinë Saudite, ka bërë të ditur Ministria saudite e Mbrojtjes.
Sulmi ka synuar rafinerinë e naftës në Ras Tanura, që konsiderohet si më e madhja në Arabinë Saudite.
“Vlerësimet fillestare tregojnë se sulmi është kryer me dron dhe nuk ka shkaktuar asnjë dëm”, thuhet në njoftimin e Ministrisë së Mbrojtjes.
Rafineria ishte goditur edhe më parë nga një sulm iranian, siç tregon edhe imazhi satelitor i realizuar të hënën.
