Lideri i ri suprem i Iranit, Mojtaba Khamenei, ka lëshuar një deklaratë të re me shkrim, duke akuzuar “armikun sionist” se ka kryer sulme me “flamur të rremë” ndaj Turqisë dhe Omanit për të fajësuar Iranin. Ai paralajmëroi se kjo taktike “mund të ndodhë edhe në disa vende të tjera”, raporton SkyNews.
Pavarësisht sulmeve ajrore iraniane në vende të ndryshme të Lindjes së Mesme, Khamenei theksoi se Irani beson “fort” në forcimin e marrëdhënieve me shtetet fqinje.
Ai gjithashtu premtoi një vit të “ekonomisë së rezistencës nën unitet kombëtar dhe siguri kombëtare”.
Kjo është vetëm deklarata e tretë nga lideri i ri suprem, i cili ende nuk ka bërë ndonjë paraqitje publike.
