Republika Demokratike e Kongos ka anuluar kampin e saj stërvitor para Kupës së Botës në kryeqytet, Kinshasa, për shkak të një shpërthimi të Ebolës në lindje të vendit.
Përgatitjet janë zhvendosur në Belgjikë mes rritjes së rasteve, e cila mendohet se ka vrarë 139 persona nga 600 raste të dyshuara, shkruan BBC.
Organizata Botërore e Shëndetësisë (OBSH) e ka quajtur shpërthimin një “emergjencë shëndetësore publike me shqetësim ndërkombëtar”, por tha se nuk ishte në nivel pandemie.
Republika Demokratike e Kongos do të luajë ndeshje miqësore kundër Danimarkës më 3 qershor dhe Spanjës më 9 qershor, përpara finaleve të Kupës së Botës.
Në vend, autoritetet do të jenë të zëna me përpjekjet për të frenuar shpërthimin e Ebolës, i cili është shkaktuar nga një specie e rrallë e njohur si Bundibugyo.
