Një rast i rrallë ka ndodhur në Klinikën Gjenekologjike të QKUK-së.
Një grua nga Drenasi ka lindur një foshnje me peshë afërsiht 6.5 kilogramë.
“Mes vështirësive, të cilat i ka krijuar Pandemia COVID-19, sidomos ditëve të fundit, një ekip i përbërë nga gjinekologë, anesteziologë dhe mami, realizuan suksesshëm lindjen me operacion” thuhet në njoftimin e SHSKUK-së.
Njoftimi i plotë:
Rast i rrallë: Në Gjinekologji u lind një foshnjë afër 6.5 kilogramë
Në Qendrën Klinike Universitare të Kosovës u lind një foshnjë me peshë rreth 6.5 kilogramë, që përbën një rast unik në historinë e Klinikës së Gjinekologjisë.
Mes vështirësive, të cilat i ka krijuar Pandemia COVID-19, sidomos ditëve të fundit, një ekip i përbërë nga gjinekologë, anesteziologë dhe mami, realizuan suksesshëm lindjen me operacion.
Pacientja me inicialet I.P. nga Drenasi, e lindur në vitin 1991, që edhe dy lindjet e para i ka kryer me operacion, dhe foshnja janë në gjendje të mirë shëndetësore.
