Policia e Kosovës ka zhvilluar sot një aksion në katër rajone të vendit kundër kontrabandës me mallra, raporton Gazeta ‘Enigma’.
Ky aksion, që është shtrirë në disa lokacione në Kosovë, përfshirë rajonin e Prishtinës Pejës e Mitrovicës së Veriut dhe të Jugut, ka gjetur kundërshtim nga serbët në Mitrovicën e Veriut.
Pamjet nga vendi i ngjarjes dëshmojnë se aksioni i policisë u kundërshtua nga qytetarët në veri të vendit, duke hedhur gurë e duke thyer vetura.
Ekipi i T7 sjellë pamje nga vendi i ngjarjes, se si aktualisht duket pjesa veriore e Mitrovicës./Gazeta Enigma/
