Në listën e kandidatëve për deputet në Aleancën për Ardhmërinë e Kosovës, është shtuar Hidajete Maksutaj, pikërisht në datën e rënies së motrës së saj heroinë, Mervete Maksutaj.
Përmes një postimi në Facebook, kreu i AAK-së, Ramush Haradinaj i uroi mirëseardhje “në shtëpinë e saj”,
“Jo rastësisht, në Aleancë bashkohen vlerat më të larta kombëtare, ata që Kosovën e kanë atdhe të vetëm dhe që e kanë mbrojtur me gjakun e më të dashurve të tyre”.
“Hidajete, kontributi yt dhe i familjes tënde është dëshmi dhe model që Kosovës i ka hapur rrugën e lirisë e ndërtimit. Jemi bashkë edhe në këtë rrugëtim të radhës, për atë që ëndërruam si popull: demokraci, zhvillim e integrim. Mirësevjen në shtëpinë tënde, paç faqen e bardhë!”, ka shkruar Haradinaj.
