Lidhja Demokratike e Kosovës po mbanë tubimin e saj përmbyllës në sheshin “Skënderbeu” në Prishtinë.
Para mijërave pjesëmarrëseve, kandidati për kryeministër nga radhët e LDK-së, Lumir Abdixhiku paralajmëroi se “LDK po kthehet”.
“Për nxitësit e urrejtjes ndjejmë vetëm keqardhje, për fuqinë tonë ndiejmë vetëm mburrje dhe krenari. Prandaj të gjithë atyreve që kërkuan mbytjen tonë, shuarjen tonë, shtypjen tonë, u themi na shihni përpak, na shihni përreth. Kjo është LDK-ja ime”, tha Abdixhiku.
Ai tutje vijoi:“Në çdo tubim të vogël,te mesëm e të madh e kuptuam misionin tonë fisnik, nuk kishim helm, mllef e inat për tjetrin. Jemi pak për t’u ndarë, e përçarë. Kemi kundërshtarë të jashtëm mjaft”.
Abdixhiku renditi edhe premtimet e tjera që i ka bërë gjatë fushatës elektorale.
