Kandidati i LDK-së për kryeministër, Lumir Abdixhiku, tha se kanë informata se 30 mijë mbështetës të LDK-së janë nga mërgata, shkruan Enigma.
Më 23 dhjetor, i njëjti deklaroi se të paktën 25 mijë mërgimtarë janë mbështetës së LDK-së.
Në një postim në Facebook, ai rikujton se kanë mbetur edhe 24 orë deri në përfundim të afatit, dhe vlerëson se 30 mijë mërgimtarë të regjistruar janë mbështetës së partisë së tij.
“30,000 zemra për Mërgatën! Ju faleminderit për regjistrimin masiv të mbështetësve tanë! Nga gjithsej 80 mijë të regjistruar, nga të gjitha etnitë, sipas raportimeve të degëve tona, 30 mijë janë mbështetës tanë”, shkroi Abdixhiku në Facebook.
Më tej ai shtoi se në zgjedhjet e 14 shkurtit, LDK i kishte vetëm 4,294 vota nga mërgata, dhe se ky, siç thotë, kapërcim i madh është thirrje e kushtrim i fitores.
“Të shkojmë për 40 mijë! Ndryshimi i nisur në Kosovë le të mbështetet dhe nga bashkatdhetarët tanë!”, përfundoi Abdixhiku.
