Lumir Abdixhiku, kandidati për kryeministër i LDK-së, ka qenë sot për vizitë në Lipjan, ku bashkë me të ishte edhe kryetari i këtij qyteti, Imri Ahmeti.
Në një postim në Facebook, Ahmeti ka thënë se vizituan nënkalimin dhe parkingun e ri të qytetit – një projekt i financuar tërësisht nga Komuna, që ka lehtësuar dukshëm trafikun dhe parkimin në qytet.
“E informova për këtë projekt dhe ndava planet tona për ndërtimin e një parku të ri dhe vazhdimin e sheshit në atë zonë”.
“Gjithashtu, së bashku me kryetarin Abdixhiku, vizituam biznesin “LigaSteel,” një investim amerikan që ka krijuar rreth 200 vende pune”, ka thënë Ahmeti.
