Asociacioni Gazetarëve të Kosovës (AGK) është shprehur e tronditur me, siç thotë, “sjelljen agresive” dhe ka dënuar ashpër “cenimin fizik të gazetarëve nga ana e anëtarit të Vetëvendosjes në KQZ, Sami Kurteshi”.
Reagimi i plotë nga AGK:
Sami Kurteshi pengon fizikisht gazetarët
AGK-ja është e shokuar me sjelljen agresive dhe dënon ashpër cenimin fizik të gazetarëve nga ana e anëtarit të Vetëvendosjes në KQZ, Sami Kurteshi.
Kjo sjellje është e papranueshme dhe AGK i bën thirrje KQZ-së që të ofrojë kushte për raportim të papenguar të gazetarëve.
Zoti Kurteshi është recidivist në sulmet ndaj gazetarëve dhe Vetëvendosje duhet ta ndalojë këtë praktikë.
