Një aksident trafiku me fatalitet ka ndodhur sot në fshatin Jezerc të Ferizajt, ku një person ka humbur jetën pasi u vetkaksidentua me kamion te vendi i quajtur “Reka e Vogël”.
Sinjali ka mësuar se shoferi i kamionit ka humbur kontrollin dhe për pasojë është rrokullisur disa metra poshtë rrugës.
Vdekjen e tij e ka konstatuar ekipi mjekësor në Emergjencën e Spitalit të Ferizajt.
Lajmin e kanë konfirmuar edhe nga Policia Rajonale në Ferizaj.
“Ekipe të policisë, njësitet e rendit dhe hetuesit policorë të aksidenteve të Njësisë së Konunikacionit Rrugor kanë dalë në vendin e ngjarjes, të cilët kanë mësuar se si pasojë e këtij aksidenti ka humbur jetën shoferi i kamionit, shqiptar, kosovar i moshës madhore, vdekja e të cilit është konstatuar në vendin e ngjarjes nga mjekët të Emergjencës së Ferizajt.”
