Një aksident trafiku ka ndodhur sot mes një veture dhe një traktori në fshatin Llugë të Podujevës, ku dy persona kanë mbetur të lënduar.
Zëdhënësja e Policisë së Kosovës për Rajonin e Prishtinës, Flora Ahmeti konfirmoi për Gazetën Enigma se aksidenti ka ndodhë rreth orës 16:00.
“Sot rreth orës 16:00 në fshatin Llugë, të Podujevës, ka ndodhur një aksident komunikacioni, ku janë përfshirë një veturë dhe një traktor. Bazuar në të dhënat fillestare, si pasojë e aksidentit dy persona kanë pranuar trajtim mjekësor”, deklaroi ajo.
Ahmeti shtoi se me rastin po merret njësiti i trafikut.
/Gazeta Enigma/.
