Tragjedia e rastit të Liridona Ademajt, po dyshohet se është keqpërdorur nga mashtrues. Një i tillë, ka kontaktuar familjen Murseli, duke u kërkuar rreth 300 euro, në mënyrë që t’ua dërgojnë mbi 5 mijë dollarë të mbledhura për dy fëmijët e Liridona Ademajt.
Përderisa paratë e kërkuara janë dërguar, shumë prej 5 mijë dollarësh nuk është dorëzuar asnjëherë, ndërsa rasti tashmë ka përfunduar në polici. I dyshuar në këtë rast, është një person që njihet në opinion për mashtrime të ngjashme, por që është në një shtet fqinj.
Pa kaluar as dy javë nga nata kritike ku Liridona Ademaj u vra, familja e Shaban Murselit ka marr një telefonat të çuditshme gjatë së shtunës.
Një person i panjohur deri në atë moment, që ishte paraqitur si përfaqësues i një shoqate bamirësie nga Mali i Zi, i kishte njoftuar ata se kanë mbledhur janë mbledhur pese mijë dollarë për dy femijet që humbën, e babai i tyre po dyshohet si organizator i rastit.
Por që të hollat të dergohen në familje, personi nga Mali I ZI, pati një kërkes.
Në tërë ketë bised prezent ishte edhe babi i të akuzuarit të tretë për përfshirjen për vrasjen e Liridona Ademajt, Kushtrim Kokallaj, Saliu.
Për televizionin Dukagjini, ai ka treguar se si ranë pre e mashtrimit.
Baba i Kushtrim Kokallajt, Sali Kokallaj ka theksuar se “Tha duhet menjëherë me i pagu 280 euro në Western Union, se pa i pagu ato paret nuk dalin. Mi dha 280 euro Shabani, shkova i pagova. Shkova në Bankë, ku pat me i qit paret, i tregova që kështu më ka thënë njani, jo tha s’ka kurgjo.”
I njëjti, ishte prezantuar si Rinard Gjonbalaj, përfaqësues i një shoqate humanitare nga Plava e Malit të Zi.
Televizioni, në numrin e njëjtë me të cilin Gjonbalaj kishte komunikuar me familjarët, ka komunikuar me të, por ai ka mohuar përfshirjen në këtë rast.
