Fansat e makinave, shpejtësisë dhe estetikës së tyre nuk kursejnë asgjë për të investuar në automjetin e tyre.
Kjo madje duke ndryshuar edhe pjesët e brendshme nga ato origjinale në pajisje, të cilat shpeshherë prekin motorin, ndikojnë në shpejtësinë apo pjesë të tjera.
Eksperti i komunikacionit, Nol Dedaj, i cili ua vë fajin këtyre ndryshimeve edhe për aksidentet që shkaktohen në komunikacion, i konsideron absolutisht të gabuara ndërhyrjet në pjesët e makinës.
Secili ndryshim, qoftë edhe estetik, duhet të mos prek në aerodinamikë të veturës, e lëre më ndonjë ndërhyrje në pjesët e motorit. Dedaj thotë se ka një arsye pse prodhuesi i ka vendosur ato pajisje origjinale asaj lloj veture.
Madje Dedaj thotë se çdo modifikim i automjetit në mënyrë të pakontrolluar e ul nivelin e sigurisë në të.
