Në Ditën Kombëtare të Personave të Pagjetur në Kosovë, ambasadori i Italisë në Kosovë, Nicola Orlando, ka vizituar Ferdonije Qerkezin, që në luftë humbi katër djemtë dhe bashkëshortin.
“Në Ditën Kombëtare të Personave të Pagjetur në Kosovë u preka thellësisht nga dëshmia e jetës së Ferdonije Qerkezit për dhimbjen dhe humbjen. Shtëpia e saj e madhe e zbrazët është një kujtesë dinjitoze dhe imponuese e plagëve të hapura që ende duhet të marrin përgjigje, duke shmangur çdo politizim”, ka shkruar Orlando në Twitter pas vizitës.
