Antropologia amerikane, Janet Reineck do ta vizitojë Kosovën të hënën.
Ajo do të shkojë në Dragash dhe kryetari i kësaj komune, Bexhet Xheladini u ka bërë thirrje qytetarëve që të dalin për ta pritur.
“Të nderuar Qytetarë!Ju njoftojë se më dt 29.08.2022 në ora 12 komunën tonë do ta vizitoj qytetarja Amerikane z.Xhenet Rejnek.Të gjith ata të cilët duan ta takojnë, ju ftoj që t’ia bëjmë një pritje të përbashkët”, ka shkruar ai.
Rejnek kishte jetuar me shqiptarët e Kosovës për tetë vjet, midis viteve 1981 dhe 1997 dhe e ka botuar një libër me kujtimet e saj nga ajo periudhë.
