Është arritur një marrëveshje për të larguar armët e rënda nga centrali bërthamor i Zaporizhzhia-s, derisa lajmin e ka bërë të ditur presidenti i Francës, Emmanuel Macron.
Centrali bërthamor ka qenë në duart e Rusisë që nga marsi dhe aty po mbahen armë dhe trupa.
Në bisedimet mes Rusisë dhe Ukrainës është përfshirë watchdog-u i Kombeve të Bashkuara në mënyrë që të sigurohet mbrojtja e centralit, i cili është më i madhi në Evropë.
Macron tha se bisedimet po vijojnë për të gjetur një mënyrë për t’i lëvizur armët nga impianti.
“Ne ia dolëm që ta mbronim Chernobyl-in dhe qëllimi ynë që të mbrojmë edhe Zaporizhzhia-n. Javët në vijim do të jenë kritike,” shtoi ai.
Presidenti francez është duke pritur aktualisht një konferencë ndërkombëtare në Paris, qëllimi i së cilës është që të sigurojë ndihmë për Ukrainën gjatë temperaturave të ulëta të dimrit.
