Dy persona janë arrestuar për vjedhjen e veturës VW Passat në fshatin Lubozhdë të Istogut, e cila ka ndodhur të martën. Të arrestuar janë M.H., i lindur 2000 dhe K.V., i lindur 2002. Policia ka njoftuar se vetura e vjedhur është konfiskuar dhe i është kthyer pronarit.
“Drejtoria Rajonale e Policisë nё Pejë, Stacionin Policor në Istog, me datë 23.01.2024, nga një dëshmitar është njoftuar se në fshatin Lubozhdë – Istog, f’qiut të tijë i është thyer dera e garazhe s nga e cila ishte vjedhur vetura VW Passat ngjyrë hiri. Policia menjëherë ju ka përgjigjur rastit dhe ka kryer shikimin e vendit ngjarjes. Pas një pune intensive të hetuesve me datë 24. 01. 2024 janë identifikuar dhe arrestuar të dyshuarit: M.H., i lindur 2000 dhe K.V., i lindur 2002. Vetura e vjedhur është konfiskuar dhe i është kthyer pronarit”, thuhet në njoftimin e policisë.
Pas intervistimit nga hetuesit, me urdhër tё Prokurorit tё Shtetit, dy të dyshuarit janë ndaluar për 48- orë.
