Sipas të gjitha gjasave, nuk ka asnjë të mbijetuar nga përplasja që ndodhi mes një aeroplani dhe helikopteri në Uashington.
Kështu tha Shefi i Zjarrfikësve dhe Shërbimeve Mjekësore Emergjente të Distriktit të Kolumbisë, John Donnelly.
Në një konferencë për media, ai ka theksuar se pavarësisht përpjekjeve të grupeve të kërkim-shpëtimit, ata tani po kalojnë nga një operacion shpëtimi në një operacion rikuperimi.
“Ne nuk besojmë se ka ndonjë të mbijetuar nga ky aksident”, thotë ai.
Ai shton se ekipet e tij kanë nxjerrë 27 trupa nga avioni dhe një nga helikopteri.
Aeroplani po bartte 64 pasagjerë, ndërsa në helikopter ishin 3. /Gazeta Enigma
