Atletico Madridi ka pësuar humbje prej 2-1 nga Mallorca në Wanda Metropolitano, në ndeshjen e javës së 16-të në La Liga.
Asnjëra nga skuadrat nuk ia doli të shënojë në fraksionin e parë të lojës, ashtu që shkuan në pushim me rrjetat e paprekura.
Ishte minuta e 68-të e takimit kur Matheus Cunha shënoi për epërsinë e skuadrës nikoqire.
Mirëpo, mysafirët shënuan dy herë në vazhdim, përmes Franco Russo (80’) dhe Takefusa Kubo (90’+1) për ta fituar ndeshjen.
Kjo ishte humbja e dytë sezonale për Atletico Madridin në La Liga që ndodhet në pozitën e katër në renditje me shtatë pikë më pak se lideri Real Madrid.
Për Mallorcan ishte fitorja e katërt dhe është ngritur në kuotën e 21 pikëve, në pozitën e 12-të në tabelë.
