Raporti i Institutit të Psikiatrisë Forenzike të Kosovës është bë publik sot me ç’rast ëhtë konstatuar se Naim Mureli nuk vuan nga ndonjë sëmundje mendore, raporton Gazeta Enigma.
Në këtë raport janë zbuluar edhe detaje të reja rreth fëmijërisë së tij të vështirë.
Sipas raportit, Murseli ka deklaruar se ka pasur një fëmijëri të vështirë, ku ka përjetuar dhunë fizike nga babai i tij.
Ai ka rrëfyer edhe si motra e madhe kishte ikur nga shtëpia dhe ka jetuar në strehimore deri në 18 vjet.
“Sipas z.Murselit, fëmijëria e tij ka qenë e keqe, ka përjetuar dhunë nga i ati i cili disa herë thotë se më ka mbyllur në shpajz dhe si djali i parë në familje nuk ka qenë i privilegjuar, përkundrazi ai shton: “babai më ka rrahur disa herë me kabëll, ai ka qenë i dhunshëm, motra e madhe ka ikur nga shtëpia në moshën 15 vjeçe pastaj ka shkuar në strehimore/social dhe me 18 vjet është martuar me suedez””, thuhet në raportin e siguruar nga Insajderi.
