Deputeti i LVV-së, Mefail Bajqinovci, ka deklaruar se ka rrezik të përsëritet një sulm terrorist sikur ai i Banjskës, raporton Gazeta “Enigma”.
Tutje Bajqonovci ka theksuar se janë rreth 600 apo 800 ushtarë, me mbi 40 baza ushtarake që po stërviten dhe janë në pritje për një vendim për të hyrë në Kosovë.
Deputeti tutje ka shtuar se Kosova për një sulm të tillë, është më se e përgatitur.
“Unë mendoj se ka rrezik, dhe se ata 600 ushtarë, apo më shumë, profesionistë që po ushtrohen në Serbi, dhe kjo duhet të merret seriozisht. Nuk është rastësi që kanë ardhur zyrtarë të lartë të shtetit, të cilët ia kanë tërhequr vërejtjen dhe Serbisë, nëse hynë e kanë fajin ata. Ata janë profesionistë, që po presin vendimin për të hyrë në Kosovë, për ta aneksuar veriun”, tha Bajqinovci te DPT te Fidani
“Edhe kryeministri ka informacione se ka disa grupe që po ushtrohen për këtë çështje. Nëse janë 600 apo 800, janë numër i madh që mund të na krijojë probleme, megjithëse ne jemi të përgatitur, pasi dhe institucionet e Kosovës e kanë marr me seriozitet këtë kërcënim. Ata janë në Kupaunik, janë mbi 40 baza”. /Gazeta Enigma/
