Skuadra e Ballkanit do të përballet me Larne FC, në raundin e tretë të Ligës së Konferencës.
Larne nuk është një ekip i panjohur për Ballkanin, pasi dy ekipet u takuan para një viti në eliminatoret për Ligën e Konferencës.
Në atë kohë, Ballkani kaloi lehtë Larnen në të dy ndeshjet, ku fillimisht në Prishtinë fitoi me rezultat 3-0, pastaj si mysafir po ashtu fitoi me rezultat 4-1.
Larne FC vjen pas dy titujve radhazi në Irlandën e Veriut.
Ballkani ka vlerë prej 6.12 milionë euro, ndërsa Larne ka vlerë prej 3.4 milionë eurosh.
Shumica e lojtarëve të skuadrës janë irlandezo-verior, por ka edhe skocezë, uellsianë dhe australianë.
Nëse Ballkani kalon Larnen, shortin për play-off do ta mësojë më 5 gusht 2024.
