Ballkani vazhdon sot rrugëtimin në garat evropiane. Kampioni i Kosovës do të ketë përball Klaksvikun e Ishujt Faroe, në ndeshjen e cila zhvillohet në kuadër të rrethit të tretë kualifikues për UEFA Conference League.
Për të ardhur deri në këtë rund, Ballkani eliminoi bindshëm La Floritën e San Marinos, kurse Klasviku mposhti Sutjeskën e Malit të Zi.
Në rast të kualifikimit tutje, në fazën “play-off”, Ballkani do të ndeshej me humbësin e ndeshjes Shkupi – Shamrock Rovers.
Për ata që nuk do mund të jenë në shkallët e stadiumit, ndeshja do të transmetohet direkt në Radio Televizionin e Kosovës.
Ndeshja mes Ballkanit dhe Klaksvikut do të zhvillohet sot me fillim nga ora 20:00, në stadiumin “Fadil Vokrri”.
