Deputeti i VV-së, Dimal Basha, ka reaguar ndaj deklaratës së kryetarit të OVL-UÇK-së, Faton Klinaku për kryeministrin, Albin Kurti.
Basha ka thënë se Klinaku po “kallzon trimini”, teksa deklaratën e tij e ka quajtur të mjerë e të turpshme.
“Jam i bindur që çdo ushtarë normal turpërohet se kush e përfaqëson!” – ka shkruar ndër të tjera Basha në Facebook.
Shkrimi i plotë:
Faton Klinaku, kryetari i veteranëve të luftës të UÇK-së, paska thanë, “Më parë e vras Albin Kurtin sesa ia lëshoj rrugën e iku nga Kosova.”
Për disa që po zgjedhin me dal jashtë vendit, ky po kallzon që ma trimni është me vra Albinin se me dal jashtë vendit!
Sa i mjerë, sa e turpshme, sa e gërditshme!
Jam i bindur që çdo ushtarë normal turpërohet se kush e përfaqëson!
