Në një ceremoni të organizuar nga Bashkimi Europian në Prishtinë, u ndanë çmimet për gazetari hulumtuese për vitin 2023 për Kosovë.
Gazetari i KALLXO.com, Kreshnik Gashi, ka fituar çmimin e parë të Bashkimit Europian (BE) për gazetari hulumtuese për vitin 2023.
Çmimi iu nda gazetarit Gashi, për një seri hulumtimesh të publikuara në emisionin “Kallxo Përnime”, me titull: “Blerja e Kryeprokurorit”.
Kurse, Dafina Halili nga “Kosovo 2.0” ka fituar çmimin e dytë, për storjen me shumë ndikim rreth diskriminimit ndaj fëmijëve romë dhe ashkali në Kosovë.
E Saranda Ramaj nga “Koha Ditore” ka fituar çmimin e tretë, për storjen e saj rreth korrupsionit dhe keqmenaxhimit në sektorin shëndetësor të Kosovës. /Gazeta Enigma
