Drejtori i Mjekësisë Ligjore në Maqedoni të Veriut, Aleksandar Stankov, ka thënë se 59-të të vdekurit nga zjarri në Koçan, shkak kishin ngufatjen e dhunshme.
Në një konferencë për media, ai ka theksuar se te pjesa më e madhe e viktimave ishte gjetur monoksid karboni.
“Monoksid karboni është gaz i rrezikshëm. Vdekja mund të shkaktohet shumë shpejt, varësisht koncentrimit. Në atë hapësirë me aq tym, shumë shpejt mund të vijë vdekja dhe pamundëson viktimat që të arratisen. Sipas gjetjeve te pjesa më e madhe e viktimave ka monoksid karboni”, tha Stankov, sipas KlanMaqedonia.
Zjarri në Koçan ka ndodhur në një klub nate, ku u lëshuan fikshekzjarre dhe dyshohet të jenë shkak për viktimat.
