Policia gjermane ka arrestuar një shtetas libanez, “Mohammad S”, në Aeroportin Brandenburg të Berlinit, nën dyshimin se ishte anëtar i Hamasit dhe po planifikonte sulme ndaj institucioneve hebreje dhe izraelite në Europë.
Autoritetet thanë se ai kishte ndihmuar në sigurimin e fishekëve dhe kishte bashkëpunuar me të dyshuar të tjerë të Hamasit të arrestuar më parë në Gjermani.
Personi do të paraqitet para një gjyqtari federal për vendosjen e arrestit paraburgim.
