Kryeministrja e Serbisë, Ana Bërnabiq, ka thënë se po përballen me presione të mëdha nga shtetet e fuqishme perëndimore pas nënshkrimit të marrëveshjes mes vendit të saj dhe Rusisë në fushën e politikës së jashtme.
Madje, ajo pretendon se presioni ndaj Serbisë “është në përpjesëtim të drejtë me shkallën e hipokrizisë së fuqive të mëdha”.
“Karta e OKB-së dhe parimet e së drejtës ndërkombëtare ruanin paqen në botë. Shkelja e tyre në rastin e Serbisë, që ishte e qartë për të gjithë ata që donin ta shihnin në atë kohë, hapi Kutinë e Pandorës dhe interpretimi selektiv i parimeve të së drejtës ndërkombëtare e solli botën atje ku jemi sot”, tha Bërnabiq, shkruan B92.
E para e qeverisë serbe theksoi se vendi i saj është që të respektohet pa dallim e drejta ndërkombëtare.
“Pa dallim do të thotë se integriteti territorial i vendeve të njohura ndërkombëtarëshit është i pacenueshëm”, tha ajo.
