Ai shënoi sërish në barazimin 1-1 të Manchester Cityt kundër Bayern Munichut, andaj Erling Haaland ishte sërish ylli i skuadrës së Guardiolës.
Pas ndeshjes që lejoi Cityn të kalojë në gjysmëfinale të Ligës së Kampionëve, Bernardo Silva foli për BT Sport për sulmuesin fenomenal.
“Erling është një lojtar i veçantë, një lojtar i ndryshëm nga ata që kishim në të kaluarën”, tha fillimisht Silva.
“Nuk ka nevojë për shumë prekje të topit. Ai është si një hije për 85 minuta, prek topin një herë dhe është gol. Kur kemi një lojtar kaq të veçantë përpara, ndihemi më rehat në mbrojtje.”
Kujtojmë se City do luajë në gjysmëfinale me Real Madridin.
