Një politikan rus, i cili kritikoi luftën e Vladimir Putinit në Ukrainë, është gjetur i vdekur.
Sipas mediave të huaja, multimilioneri Pavel Antov po festonte ditëlindjen e tij të 66-të me pushime, kur ra në mënyrë misterioze nga një hotel në Indi.
Mediat indiane raportuan se manjati i mishit u hodh nga çatia, por konsulli i përgjithshëm i Rusisë, Alexei Idamkin këmbënguli se ai ra nga dritarja.
Manjati i martuar Antov, i listuar si politikani më i pasur i zgjedhur i Rusisë në vitin 2019, u gjet në një “pellg gjaku” në Rayagada, shteti Odisha – dy ditë pas vdekjes së një miku të tij.
Në qershor, Antov dënoi sulmet me raketa në Ukrainë, duke thënë: “Një vajzë është nxjerrë nga nën rrënoja, babai i vajzës duket se ka vdekur. Nëna po nxirret jashtë me një vinç – ajo është e bllokuar nën një pllakë betoni. Për të thënë të vërtetën, është jashtëzakonisht e vështirë ta quash këtë gjë tjetër veçse terror”.
Por ai shpejt fshiu postimin e tij në rrjetet sociale dhe kërkoi falje. Ai theksoi se bëhej fjalë për një “keqkuptim fatkeq” dhe një gabim teknik.
Në shtator, një tjetër kritik i Putinit u gjet i vdekur në mënyrë të dyshimtë pas një vetëvrasjeje të supozuar.
Pavel Pchelnikov, 52 vjeç, u gjet i vrarë nga një armë zjarri në ballkonin e banesës së tij në Moskë.
