Byroja e Kërkimeve Sociale (BIRODI) ka paraqitur ankesa në REM kundër mediave të kontrolluara nga presidenti serb Aleksandar Vuçiq -RTS, TV Pink dhe Prva TV.
Sipas ankesës këto media nën direktivat e Vuçiqit, kanë censuruar informacionin për protestat e qytetarëve kundër hapjes së minierës së litiumit, shkruan N1.
Kjo organizatë njoftoi në profilin e saj X.
Kujtojmë se protesta kundër minierave të litiumit dhe borit në Serbi janë organizuar në shumë qytete të Serbisë. Protesta mbrëmë janë mbajtur edhe në Kosjeriq dhe Mlladenoc.
Qytetarët nga protesta thonë se nuk duan minierat e litiumit dhe borit në Serbi.
Protestat kundër shfrytëzimit të litiumit dhe borit në Serbi filluan pasi, në vetëm dy nene, rregullorja “e re” e miratuar më 16 korrik në seancën e Qeverisë së Serbisë ringjalli rregulloren e diskutueshme për projektin Jadar nga viti 2020.
E diskutueshme – sepse qytetarët e Serbisë protestuan masivisht për më shumë se dy vjet, e kontestuar – sepse vetë Qeveria e Serbisë e hoqi me një dekret tjetër nga viti 2022, tani do të rezultojë jokushtetuese.
Meqenëse Gjykata Kushtetuese, pasi vendosi se rregullorja numër dy është antikushtetuese, theksoi se ajo në asnjë mënyrë nuk e “ringjallë” rregulloren numër një – Qeveria e mendoi atë dhe miratoi rregulloren numër tre. Në atë rendin e tretë, Qeveria praktikisht thotë: Rregullorja numër një vlen sërish.
