Një blogere tajlandeze po përballet me pesë vjet burgim pasi ka filmuar veten duke ngrënë një lakuriq të natës në një pjatë me supë.
Phonchanok Srisunaklua ngarkoi videon në kanalin e saj Gin Zap Bep Nua Nua në YouTube ku kafsha e ngordhur shihet duke notuar në supë.
Duke i përshkruar lakuriqët e natës si ‘të shijshme’ dhe duke i krahasuar me ‘ngrënien e mishit të papërpunuar’ ajo më pas shihet duke e copëtuar lakuriqin dhe duke e zhytur në një salcë pikante të quajtur Nim Jam.
Videoja shpejt mori komente të ndryshme me njerëz që ngrenë alarmin për pasojat shëndetësore, shkruan Daily Mail.
Njëri tha: “Nëse do të vdesësh, vdis vetëm. Askush nuk do t’ju fajësojë. Por ti do të jesh e mallkuar nëse fillon një pandemi”.
Një tjetër tha: “Ti vendos veten në rrezik. Nëse sëmureni, mos u shqetësoni duke i ngarkuar mjekët dhe infermierët”.
Veterineri Pattaraphon Manee-on, kreu i grupit të menaxhimit të shëndetit të kafshëve të egra në Departamentin e Parqeve Kombëtare, Kafshëve të Egra dhe Ruajtjes së Bimëve, tha: “U trondita kur e pashë atë në video. Për shkak se incidenti nuk duhet të ndodhë si në Tajlandë ashtu edhe në mbarë botën, është sjellje shumë e rrezikshme, veçanërisht pasi lakuriqët e natës kanë shumë patogjenë”.
Sipas disa ekspertëve, lakuriqët e natës thuhet se mbajnë mbi 10,000 viruse që mund të transmetohen te njerëzit dhe të shkaktojnë një tjetër pandemi.
Tani ajo është arrestuar.
