Kualifikimet evropiane për FIFA Ëorld Cup 2026 sollën surpriza të mëdha mbrëmjen e sontme.
Kryefjala ishte fitorja e Sllovakisë 2-0 kundër Gjermanisë në Bratislavë, një nga befasitë më të mëdha deri tani në këtë edicion.
Gjermania e Julian Nagelsmann u mposht nga Sllovakia me golat e David Hancko dhe David Strelec, duke mbetur pa pikë pas ndeshjes së parë. Ndërkohë, Irlanda e Veriut triumfoi 3-1 ndaj Luksemburgut, duke u ngjitur në krye të grupit.
E, Spanja nuk gaboi në transfertë kundër Bullgarisë, duke fituar 3-0 me golat e Oyarzabal, Cucurella dhe Merino, teksa Turqia e Vincenzo Montellës, nga ana tjetër, zhvilloi një ndeshje dramatike në Tbilisi, duke mundur Gjeorgjinë 3-2 falë dopietës së Kerem Akturkoglu.
Në Roterdam, Holanda dhe Polonia ndanë pikët me barazim 1-1. Dumfries shënoi për “Tulipanët”, por një super-gol i Matty Cash barazoi gjithçka, ndërsa Lituania dhe Malta gjithashtu barazuan 1-1, duke mbetur në fund të tabelës.
Në anën tjetër, Uellsi arriti një fitore të rëndësishme 1-0 ndaj Kazakistanit, me golin e Kieffer Moore, kurse, Belgjika u tregua e pamëshirshme kundër Lihtenshtajnit, duke fituar 6-0 me golat e Tielemans (2), De Bruyne, De Cuyper, Theate dhe Fofana.
Renditjet pas ndeshjeve:
Grupi A: Irlanda e Veriut dhe Sllovakia – 3 pikë; Gjermania dhe Luksemburgu – 0 pikë
Grupi E: Spanja dhe Turqia – 3 pikë; Gjeorgjia dhe Bullgaria – 0 pikë
Grupi G: Holanda dhe Polonia – 7 pikë; Lituania 2, Malta 1
Grupi J: Uellsi 9 pikë, Belgjika 6, Kazakistani 3, Lihtenshtajni 0
Kualifikimet vazhdojnë këtë fundjavë me përballje të tjera interesante, ku pritet të qartësohen më shumë pretendentët për biletën e drejtpërdrejtë drejt Botërorit 2026.
