Brazili e ka fituar finalen e Lojërave Olimpike që po mbahen në Tokio me rezultat 2-1 në vazhdime, duke marrë kështu medaljen e artë, por edhe duke mbrojtur titullin olimpik.
Takimin më mirë e filluan spanjollët që rrezikuan me anë të anë të Mikel Oyarzabal që pasoi te Dani Olmos në minutën e 16-të, por goditja e tij të fundit doli e pasaktë.
Në minutën e 35-të, Matheus Cunha i Brazilit lëshoi një goditje të fuqishme, mirëpo që u bllokua nga mbrojtja kundërshtare.
Një minutë më vonë, Unai Simon bëri nj ndërhyrje të ashpër ndaj Cunhas, por që gjyqtari bëri me shenjë se loja duhet të vazhdojë.
Por, një rishikim në VAR, u bë e ditur se ishte penallti dhe përgjegjësinë e mori Richalison.
Anëtari i Evertonit në minutën e 38-të ishte përballë portierit Simon, por goditja e tij nga pika e bardhë shkoi mbi portë.
Por, derisa ishin sekondat e fundit të pjesës së parë, Cunha e kaloi Brazilin në epërsi, pasi shënoi në minutën e 45+3′.
Në pjesën e dytë, spanjollët ishin më kërkues dhe ia arritën t’i barazonin shifrat.
Ishte minuta e 61-të, kur Mikel Oyarzabal u shërbye nga Cristain Soler, për të shënuar për 1-1.
Në minutat e fundit të mbetur të kohës së rregullt, të dyja ekipet nuk arritën të gjenin portën, edhe pse rastet nuk munguan.
Në vazhdime, brazilianët ishin më kërkues dhe më të sigurt në të gjitha fazat, duke e rikthyer epërsinë.
Derisa pjesa e parë e vazhdimeve përfundoi pa gola, në të dytën ishte një tjetër pamje.
Në minutën e tretët të vazhdimeve të pjesës së dytë, Brazili e riktheu epërsinë me golin e shënuar nga Malcom (108′), që u asistua nga Antony.
Ky gol bëri që ndeshja mos të shkonte në vazhdime dhe brazilianët u stolisën me medaljen e artë (atë që e kishte bërë edhe pesë vite më parë në Rio de Janiero), derisa Spanja mori të argjendtën.
