Eugen Cakolli nga Demokracia në Veprim, ka folur në një konferencë për media.
Ai ka thënë se problemet në sistemin elektronik të publikimit të rezultateve të Komisionit Qendror të Zgjedhjeve, kanë zbehur besimin e qytetarëve të Kosovës.
“Përkundër një dite të mirë zgjedhore që është shënuar nga një interesim i lartë i qytetarëve dhe që është zhvilluar në një frymë demokratike, për shkak të problemeve teknike me sistemin elektronik të publikimit të rezultateve nga ana e KQZ-së, disa orë pas mbylljes së qendrave të votimit, Demokracia në Veprim konsideron se ky zhvillim ka zbehur besimin e publikut si në rezultatin zgjedhor, ashtu edhe në punën e Komisionit Qendror të Zgjedhjeve, duke i lënë kësisoj një shije të hidhur procesit”, tha ai.
