Kanë përfunduar pjesët e parë në dy përballjet e mbrëmjes së sotme në Ligën e Kampionëve.
Chelsea dhe Juventusi kanë shkuar në pushim të pjesëve me avantazh minimal ndaj Lille, respektivisht Villarrealit.
“Blutë” e Londrës përmes mesfushorit gjerman, Kai Havertz kaluan në epërsi në minutën e 8-të të takimit. Harkimin e Ziyech nga këndi e shfrytëzoi gjermani që dërgoi topin në rrjetë.
Sulmuesi i Kombëtares së Kosovës, Edon Zhegrova ndodhej në stol në fraksionin e parë të lojës për francezët.
Juventusit avantazhin pas 45 minutave të para të lojës ia dhuroi sulmuesi serb, Dusan Vlahoviq.
Ky i fundit golin e vetëm e realizoi në sekondën e 32-të të takimit, por punën më të madhe e kreu Danilo që dhuroi asistim fantastik./Gazeta Enigma/
