Ish-ambasadorja kosovare në Shtetet e Bashkuara të Amerikës, Vlora Çitaku, ka reaguar pas demantimit që i bëri zëvendëssekretari i Këshillit të Evropës, Bjorn Berge, zëvendëskryeministrit të Kosovës, Besnik Bislimi, rreth aplikimit të Kosovës në Këshillin e Evropës.
Sipas Çitakut, deklarata e Bislimit ka dëmtuar rëndë agjendën e Kosovës, raporton Gazeta Enigma.
“Me një tweet, zëvendëskryeministri Bislimi dëmtoi rëndë një agjendë jashtëzakonisht të rëndësishme për Kosovën”.
Tutje, ish-ambasadorja vlerëson se ky veprim është mungesë e profesionalizmit dhe, përpos që është skandal, është edhe e dëmshme për Kosovën.
“Mungesë totale e profesionalizmit. Ky nuk është vetëm skandal. Kjo është e rrezikshme dhe e dëmshme”, ka shkruar Çitaku.
Kujtojmë se Berge, në reagimin e tij ndaj Bislimit, tha se ajo çfarë është biseduar nuk qëndron në përshkrimin që ka bërë zëvendëskryeministri në statusin në Twitter./Gazeta Enigma/
Me një tweet, ZvKM Bislimi dëmtoi rëndë një agjendë jashtëzakonisht të rëndësishme për Kosovën.
Mungesë totale e profesionalizmit.
Ky nuk është vetëm skandal. Kjo është e rrezikshme dhe e dëmshme. pic.twitter.com/1trpCRsD7f— Vlora Çitaku ???? (@vloracitaku) March 10, 2022
