Manchester City e ka fituar trofeun e parë për këtë sezon, pasi në finalen e EFL Cup, ka mposhtur Tottenhamin me rezultat 1-0.
Takimin e filluan më mirë Citizens, që qysh në minutën e tetë krijuan një mundësi shënimi me anë të Phil Foden, por që përfundoi jashtë porte. Anglezi (26’), harkoi në zonën e Spurs, mirëpo topi u largua nga mbrojtja kundërshtare, duke bërë që shifrat të mbeteshin të pandryshuara.
Një mundësi të mirë e lëshoi edhe Riyad Mahrez, që në minutën e 36-të lëshoi një goditje të fuqishme, por që nuk ishte konkrete. Në 45 minutat e dytë, ishte sërish City që dominoi, ndërsa Ilkay Gundogan lëshoi një mundësi të artë në minutën e 72-të.
