Bombardimet e rënda nga forcat ruse kanë shkatërruar një urë në Irpin, një qytet në periferi të Kievit, të cilin kanë synuar ta marrin nën kontroll, por janë ndeshur me rezistencën e forcave ukrainase.
Shkatërrimi i urës ka sjellë probleme të mëdha edhe për civilët, të cilët duan të largohen nga qyteti. Disa prej tyre kanë arritur t’ia dalin në një urë të improvizuar.
Ky qytet i vogël ndodhet pranë aeroportit Hostomel, të cilin rusët e sulmuan disa ditë më parë, duke shkatërruar edhe avionin më të madh në botë të mallrave Antonov, i cili qëndronte në aeroport.
